Мектеп тарихы

Шымкент қаласы білім басқармасына қарасты №86 жалпы орта білім беретін мектебінің тарихы

Білім қоғам өмірінде қай заманда да маңызды роль атқарған. «Білімді мыңды жығар» деген бабаларымыз асылын ардақтап, данышпандарын бағалай білді, сара саясат жүргізіп, кең байтақ жерімізді бізге мұра етіп қалдырды. Қандай қиын кезеңдерде де дұрыс шешім қабылдау арқылы тығырықтан шыға білген, қоғамның сынақтарынан сүрінбей өтуіне жол көрсете білген кемеңгерлеріміз көп болған. 

Қазіргі қарқынды дамып жатқан қоғамымыздың сынақтары да аз емес. Жаһандану үрдісі жалпақ әлемге қанат жайып келеді. Ақпараттық технологиялар тез дамып, өміріміздің өзегіне айналуда.  

ХХІ ғасыр – білім мен ғылымның ғасыры. Еліміздің Еуразия жүрегіндегі Жаңа Қазақстандағы өркендетудің Мәңгілік Ел идеясын жүзеге асыруда қабілетті де ізденімпаз жастарды даярлау қашанда ұлтымыз үшін мақтаныш, еліміз үшін абырой. Осндай абыройлы жүкті арқалап, өмір көшінде алып жүру мек тебіміз үшін қашанда құрмет, қапыда кетпес еңбек. 

Мектеп – қашан да ақыл мен ойдың, парасат пен пайымның ордасы.

№86 жалпы орта білім беретін мектебінің кілті  2010 жылдың   мамыр айының 23 күні Тұңғыш Президентіміз Н.Ә.Назарбаевтың өз қолымен   мектебіміздің басшысы Е.М.Тулендиевке табысталып,   үлкен үмітпен оқытуға пайдалануға берілді.

 №86 жалпы орта білім беретін мектебі Шымкент қаласы Абай ауданының Қазығұрт мөлтек ауданында орналасқан.

Мектеп жалпы орта білім береді.

Негізгі оқыту тілі – қазақ тілі. (Ұлттық мектеп).