04.12.2021жыл

Шымкент қалалық білім басқармасына қарасты әдістемелік орталықтың 04.10.2021жылғы күнгі хаты негізінде, Шымкент қаласы әкімінің бірінші орынбасарының 2021 жылғы 29 қыркүйектегі №23-02-04/10447 хатына сәйкес, қала әкімі М.Әйтеновтың Қазақстан Республикасы Тәуелсіздігінің 30 жылдығын мерекелеуге арналған "ЖҰЛДЫЗДЫ 30 КҮН" атты мерекелік іс-шара жоспары негізінде, №86 жалпы орта білім беретін мектебінде қазақ тілі мен әдебиеті пән бірлестігінің ұйымдастыруымен өлкеміздегі халықтың ыстық ықыласына бөленіп жүрген қаламгерлеріміздің өрнегі мол жырларын оқуды насихаттау, олардың өнегелі өмір жолдарын өскелең ұрпаққа үлгі тұтып, жастардың кітап оқуға құлшынысын арттыру, еліне, жеріне деген сүйіспеншіліктерін арттыру мақсатында ақын Анарбаев Бекмұхан Сапарбайұлымен және мектебіміздің түлегі, айтыскер ақын, Өнер мектебінде шәкірт тәрбиелеп жүрген ұстаз  Қарсыбаев Иззатпен, Мәдениет саласының үздігі,  республикалық ән-терме сайыстарының лауреаты, “Терме”, “Терме сазы” кітаптарының авторы, Шымкент саз колледжі дәстүрлі ән бөлімінің меңгерушісі, аға оқытушы Спатаев Жақып Сынабайұлымен  және айтыскер ақын, ОҚМПУ-дағы айтыс үйірмесінің жетекшісі,  жуырда өткен “Жыр арқау-Тәуелсіздік” республикалық жас ақындар айтысының бас жүлде иегері Нұрғали Әнапиямен шығармашылық кездесу кеші өтті. Шығармашыл оқушылар көкейлеріндегі сауалдарын қойып, ақынның өлеңдерін мәнерлеп оқыды. Ақындар өз өлеңдерін оқып,  оқушыларға шабыт пен патриоттық рух берді.