Наурыз мерекесі

Шымкент қаласы білім басқармасына қарасты №86 жалпы орта білім беретін мектебінде Наурыз мерекесіне орай мерекелік іс-шара өткізілді. Іс шараға қонақтар шақырылды. Атап айтатын болсақ қамқоршылық кеңесінің төрағасы Мамытов  Жақсыбай Лесбекұлы, қамқоршылық кеңесінің мүшелері Қаржаубай Темірхан ақсақал, Рспанбет Батыржан Төлеубекұлы  және мектептің  ата -аналар комитетінің төрайымы Жұмажанова Шолпан Болатқызы, №88 жалпы орта білім беретін мектебінің директоры Тулендиев Ержан Мырзабекұлы, мектебіміздің зейнеткер ұстаздары Елемесова Кулсим Бекжанқызы , Туримкулов Салимбай  қатысты. Іс-шара  спорттық  сайыстан басталды. Сайысқа  бірінші ауысым, екінші ауысым бойынша, бастауыш сыныптар, және кіші қызметкерлерден төрт команда қатысты. Спорттық сайыс үш кезеңнен өткізілді. Жеңімпаз команда анықталып, келген қонақтар мараппаттарды табыстады. Әрі қарай  салт-дәстүріміз бойынша  "Тұсау кесер" өткізілді.  Қонақтар дастархан басына отырғызылып, құран бағышталды. Дастархан басында мектептің ұстаздары өз өнерлерін көрсетті. «Өткенді білмей, келешекті білу мүмкін емес. Бұрынғының парқын білгендер ғана бүгінгінің нарқын білер», - деген Ғабит Мүсірепов атамыздың сүбелі сөзі бар. Сан ғасырдан бері халқымызбен жасасып келе жатырған әдет-ғұрып, салт-дәстүрімізді осы іс-шарада көрсетіп, жоғары деңгейде өткізілді.