20.09.2022 жыл

Шымкент қаласы білім басқармасына қарасты №86 жалпы орта білім беретін мектебінде қазақ тілі мен әдебиеті пәнінің «Тілім барда мен бармын» атты апталығының жабылу салтанаты өтті.     Салтанатты жиынды қазақ тілі мен әдебиеті пәнінің мұғалімі Арынова Зағира Сарсенбайқызы ашып, керемет көңілді кешке ұласты. Апталықтың жабылу салтанатында әсем әндер шырқалып, ұлы тұлға Ахмет Байтұрсынов жайлы естеліктер мен керемет көріністер көрсетілді.         

«Ана тілі - халық боп жасағаннан бері жан дүниеміздің айнасы, өсіп-өніп түрлене беретін, мәңгі құламайтын бәйтерегі»,- деп Жүсіпбек Аймауытов айтқандай елін, жерін сүйген әрбір азаматтың көкірегінде ана тіліне деген сүйіспеншілігінің мақтаныш сезімі болуы керек. Тіл халықпен бірге жасайды, дамиды, өркендейді. Сол себептен де тіліміздің өркендеуі жолында аянбай тер төгіп, еңбек етуіміз керек. Ана тіліміз мәңгі жасасын!