14.05.2о21 жыл

Қаржаубаев Темірхан ақсақал- зейнеткер ұстаз,  Қазығұрт мөлтек ауданының Ардагерлер кеңесінің мүшесі.

  Темірхан ақсақал 51 жыл отасқан  зайыбы Құйқақызы Жұпаргүл әжеміз екеуі бұл күнде 5 ұлды - ұяға, 3 қызды - қияға қондырды. Перзенттерінен 28 немере, 11 шөбере сүйіп отыр. Темірхан атаның өмірлік екі ұстанымы бар: "Ең бастысы,  адам дүниеге келгеннен кейін жүрегінде иман байлығын сақтауы керек. Егер иман байлығы сақталмайтын болса, отбасын сақтап қалу қиын. Екінші, адам баласы ғайбат сөзден алыс болғаны абзал. Менің түсінгенімде ғайбат сөйлеу- біреуді сыртынан сөгу, ар-ожданына тіл тигізу. Ғайбат сөз  жүректегі иманды әлсіретіп, сенімсіздік, қызғанышқа апарады. Осы айтқандарымның астарында көп мән бар".

 Қаржаубаевтар әулетінің мақтанышы, өнер жолын таңдаған Саянның бойындағы әнге қызығушылығы, өнерге деген құштарлығы атасынан дарып,  ата - анасының қолдауының арқасында елге танылып келеді. Саян түрлі ән байқауларына қатысып, 5 рет Гран- при жүлдегері атанып та үлгерді.